sach hai ke dil mein jhijhak rakhte hain
nazrein dur talak rakhte hain
yahaan yakeen se kuchh nahin hota
log majboor hain, shaq rakhte hain
giraa hai chhat to koi hairat kya
chalo kamre mein falak rakhte hain
kuchh na kuchh zakhm sab ke dil par hai
hum bhi chupke se namak rakhte hain
silwatein aa gayin peshaani pe
phir bhi thodi si chamak rakhte hain
tumhe pasand nahi, naa ho maazi
bolnewaalein to haq rakhte hain
No comments:
Post a Comment