zakhm peechhe aur aage khaar hai
sochiye mat, sochna bekaar hai
aane jaane ka sabab ik tum nahin
is gali mein apna kaarobaar hai
roz rehti hai lipat ke saans se
yeh wahem ke tum ko mujh se pyaar hai
shehr mein ab zikr hai us shaks ka
aaya hai kis shehr se, dildaar hai
mil to lein par kaun tode ab isey
beech mein jo dard ki deewaar hai
is se pehle us ne bhi chaaha nahi
mera bhi yeh jurm pehlibaar hai
aana chaahte hain woh mere dar pe to
maine bhi yeh kab kaaha inkaar hai
log mil jaatein hain ab bhi waqt pe
varna maazi kaun kiska yaar hai
No comments:
Post a Comment